काठमाडौं- सत्तारुढ दल नेपाल कम्युनिस्ट पार्टी (नेकपा) को सचिवालय बैठक सकिएको छ ।

बुधवार साँझ बालुवाटारमा तीन घन्टा चलेको सचिवलय बैठकमा पार्टी भित्रका आन्तरिक समस्या पार्टी एकताको सुदृढीकरण र स्थायी कमिटीको बैठकको बारेमा छलफल भएको प्रवक्ता नारायणकाजी श्रेष्ठले जानकारी दिए ।

सचिवालयको अर्को बैठक २० गते पुन बस्ने र उक्त बैठकले स्थायी कमिटी बैठक बारे निर्णय गर्ने उनले बताए ।

‘पार्टी भित्र आन्तरिक समस्या पार्टी एकताको सुदृणिकरणका्े महत्व सरकार र केही कमरेडले माग गरेको स्थायी कमिटीको बारेमा र त्यससँग जोडिएका विभिन्न पक्षका बारेमा गम्भीर विचारविमर्श भयो,’ बैठकपछि प्रवक्ता श्रेष्ठले भने,’छलफल जारी छ । यस बीचमा पार्टीको नेतृत्व टिमले अनौपचारिक गृहकार्यको कुरालाई अघि बढाउँदै यही २० गते पुन सचिवालयको बैठक बस्ने निर्णय गरेको छ । ‘

सचिवालयको बैठकले अहिलेको आवश्यकतासँग मेल खाने, पार्टीलाई एकतावद्ध रुपमा अगाडि बढाउने र जनादेश अनुसार सामाजिक आर्थिक रुपान्तरणलाई अघि बढाउने सन्दर्भमा उपयुक्त निर्णय लिने प्रवक्ता श्रेष्ठको भनाइ छ ।