काठमाडौं– नेपालमा थप ३ जनामा कोरोना भाइरसको संक्रमण देखिएको छ । बाराका २ र पर्साका १ गरी थप ३ जना पुरुषमा कोरोना भाइरसको संक्रमण देखिएको हो ।

थप ३ जनामा सङ्क्रमण देखिएपछि सङ्क्रमितको सङ्ख्या ५७ पुगेको छ भने पूर्णरुपमा स्वस्थ भएर १६ जना घर फकिएका छन् ।

*अपडेट– स्वास्थ्य तथा जनसंख्या मन्त्रालयले हाल (१७ वैशाख २०७७, अपराह्न ४) बजेसम्म नेपालमा ५७ जनामा मात्रै कोरोना भाइरसको संक्रमण पुष्टि भएको जनाएको छ । यसअघि स्वास्थ्य तथा जनसंख्या मन्त्रालय मातहतकै इपिडिमियोलोजी तथा रोग नियन्त्रण महाशाखाका निर्देशक डा वासुदेव पाण्डेको भनाइलाई आधार बनाएर सरकारी स्वामित्वको समाचार संस्था (रासस)ले बारा र पर्साका २–२ गरी ४ जनामा कोरोना संक्रमण देखिएको र संक्रमितको संख्या ५८ पुगेको समाचार प्रकाशन गरेको थियो । यसअघि समाचारमा उल्लेख गरिएको तथ्य सच्याएको जानकारी दिँदै गलत तथ्यबाट आम पाठकमा पर्न गएको असुविधाप्रति हामी क्षमा यचना  गर्दछौं–  सम्पादक