अमेरिका- अमेरिकी उपराष्ट्रपति माइक पेन्स मास्क नलगाई बिरामी भेट्न अस्पताल पुगका छन् । अस्पताल जाँदा मास्क नलगाइ पुगेपछि उनको व्यापक आलोचना भएको छ ।

उपराष्‍ट्रपति पेन्स मिनेसोटाको एक मेडिकल सेन्टरमा मास्क नलगाई बिरामी भेट्न पुगका तस्वीरहरु सार्वजनिक भएका छन् ।

पेन्सका सहयोगी र बिरामीले भने मास्क पहिरिएका थिए । उनी गएको मेडिकल सेन्टर मायो क्लिनिकले पेन्सको तस्वीरसहितको ट्विट गरेको थियो। सोही तस्वीरका कारण उपराष्‍ट्रपतिको आलोचना भएपछि ट्विट डिलिट गरिएको थियो ।

जबकि, उपराष्‍ट्रपति पेन्स नै ह्‍वाइट हाउसको कोरोना भाइरस टास्कफोर्सका प्रमुख हुन् । स्वास्थ्यकर्मी र बिरामी भेट्न जानैपर्ने भएकाले आफू उक्त क्लिनिकमा पुगेको बताउँदै उपराष्‍ट्रपति पेन्सले आफ्नो बचाउ गर्न खोजेका छन् । मास्क नलगाएको बारे भने केही उल्लेख गरेका छैनन् ।