बुटवल– कोरोना भाइरस (कोभिड १९)को आशंका अस्पताल भर्ना भएका १ व्यक्तिको मृत्यु भएको छ ।

रुपेन्देहीको बुटवलस्थित कोरोना विशेष अस्पतालमा भर्ना भएका व्यक्तिको मृत्यु भएको हो । मृत्यु हुनेमा जिल्लाको सैनामैना नगरपालिका घर भएका ३४ वर्षीय पुरुष छन् ।

उच्च ज्वरोसहित रुघाखोकीको लक्षण देखिएपछि उनलाई चैत १३ गते बुटवलको धागो कारखानामा बनाइएको कोरोना विशेष अस्पतालको आइसोलेसनमा भर्ना गरिएको थियो ।

जिल्ला प्रशासन कार्यालय रुपन्देहीका अनुसार उनी केही समय अगाडि संयुक्त अरब ईमिरेट्सको दुबईबाट नेपाल आएका थिए । बुटवल उपमहानगरपालका प्रवक्ता राम प्रसाद रेग्मीले कोरोना विशेष अस्पतालमा भर्ना भएका १ जनाको मृत्यु भएको पुष्टि गरे । तर, उनको मृत्युको कारणबारे खुल्न नसकेको रेग्मीको भनाइ छ ।