काठमाडौं –  पोर्चुगलका स्टार रोनाल्डो सहितका खेलाडीले इटालियन क्लव  युभेन्टसबाट ४ महिनाको तलब नलिने भएका छन् ।

खेलाडी सहित प्रशिक्षक सर्रीले मार्च, अप्रिल, मे र जुनमा प्राप्त गर्ने मासिक तलब बराबरको रकम छाड्न सहमती जनाएका हुन् ।

कोरोना भाइरसले इटाली आर्थिक संकटबाट गुज्रिएपछि खेलाडीहरुले तलव नलिने सहमती गरेपछि इटालियन क्लव युभेन्टसलाई केही राहत मिलेको छ ।

कोरोना भाइरसका कारण ईटालीका सबै खेल गतिविधि कम्तिमा अप्रिल ३ सम्मका लागि स्थगित गरिएका छन् । खेलाडीहरु चार महिनाको तलब माफ गर्न सहमतीसंगै क्लबलाई समग्रमा ८० मिलियन पाउण्ड राहत मिलेको छ ।

पछिल्लो सहमतीसंगै क्लबका स्टार फरवार्ड क्रिस्टियानो रोनाल्डोले वार्षिक प्याकेज अन्तर्गत प्राप्त गर्ने ९ मिलियन पाउण्ड भन्दा बढी रकम गुमाउनेछन् ।