काठमाडौं- अमेरिकाको अर्को एउटा अन्तराष्ट्रिय पानीजहाजमा पनि कोरोना भाइरसको सङ्क्रमण भेटिएको छ ।
योसँगै १ सय ९९ देश र दुई वटा पानी जहाजमा कोरोना सङ्क्रमित भेटिएका छन् । यसअघि जापानको योकोहामामा पुगेको अन्तराष्ट्रिय पानीजहाजमा कोरोना सङ्क्रमित भेटिएका थिए ।
अहिलेसम्म ६ लाख ६२ हजार ७ सय ७५ जना सङ्क्रमित भएका छन् । जसमध्ये १ लाख ४१ हजार ९ सय ५१ जना उपचारपछि निको भएका छन् ।
३० हजार ८ सय ४७ जनाको ज्यान गएको छ । अमेरिकामा मात्रै एक लाख २३ हजार ३ सय ५१ सक्रमित भएका छन् । यो संख्या विश्वका अरु देशको भन्दा धेरै हो । कोरोना संक्रमणकै कारण अमेरिकामा ज्यान गुमाउनेको संख्या २ हजार २ सय ११ पुगेको छ ।
प्रतिक्रिया