काठमाडौँ– सानिमा बैंक लिमिटेड र आस्ट्रल कम्प्युटर्स नेपाल प्रा.लि ‘फ्युचर वल्र्ड’ बीच छुट दिने सम्झौता भएको छ।

एप्पल प्रडक्ट आइफोन, आइप्याड, म्याकबुक लगायतका सामान खरिदमा बैंकका ग्राहकहरुलाई छुट दिने सम्झौता भएको हो ।

उक्त सम्झौता पत्रमा बैंकका तर्फबाट डिजिटल बैंकिङ्ग विभागका प्रमुख विक्रम श्रेष्ठ र आस्ट्रल कम्प्युटर्स नेपालप्रालिका तर्फबाट महाप्रबन्धक नवीन जोशीले हस्ताक्षर गरेका हुन् ।

सम्झौता अनुसार सानिमा बैंकका ग्राहकहरुले डेबिट तथा क्रेडिट कार्ड प्रयोग गरी काठमाडौंको सुनधारास्थित सिभिलमल अवस्थित फ्युचर

वल्र्डमा एप्पलका प्रोडक्ट खरिद गर्दा छ हजारसम्म नगद तथा सात हजारसम्मका सामानहरुमा छुट प्राप्त गर्न सक्नेछन् ।

यस्तै बैंकका ग्राहकहरुले बैंकको क्रेडिट कार्डमार्फत १८ महिनाको मासिक किस्ता भुक्तानी गर्न सक्ने बैंकले जनाएको छ।