काठमाडौं– अफगानिस्तानका क्रिकेटर मोहमद साहजाद एभरेस्ट प्रिमियर लिग (ईपीएल) क्लब चितवन टाइगर्सबाट खेल्ने भएका छन् ।

टाइगर्सले बुधबार प्रेस विज्ञप्ती जारी गरि साहजादलाई ईपीएलका लागि टोलीका अनुबन्ध भएको जनाएको छ ।

विज्ञप्तीमा चितवनले साहजादलाई टोलीमा आवद्ध गर्न पाउँदा उत्साहित रहेको समेत जनाएको छ । साहजादसँग अफगानस्तान प्रिमियर लिग, बंगलादेश प्रिमियर लिग लगायतका टि–२० फ्रेन्चाईज खेलेको अनुभव छ ।

अफगानस्तानका ओपनिङ ब्याट्सम्यान साहजादसँगै चितवनले केही दिन भित्रै नै आफ्ना अन्य खेलाडीको घोषणा गर्ने बताएको छ ।

साहजादले अफगानस्तानका लागि २ टेस्ट, ८४ ओडिआई र ६५ टि–२० खेलिसकेका छन् । यसै सिजनका लागि चितवनले सोमपाल कामीलाई ए क्याटगोरि खोलडीका रुपमा भित्र्याएको थियो ।

ईपीएल चैत १ देखि १५ गतेसम्म किर्तिपुरस्थित टियू क्रिकेट मैदानमा हुनेछ ।