काठमाडौं – लेस्टर सिटीलाई हराउँदै एस्टन भिल्ला लिग कप (काराबाओ कप) फुटबलको फाइनलमा प्रवेश गरेको छ ।

गएराति भएको सेमिफाइनलको दोस्रो लिगमा घरेलु टोली लेस्टर सिटीलाई एस्टन भिल्लाले २–१ ले पराजित गर्दै फाइनल प्रवेश गरेको हो । समग्रमा ३–२ को जितसहित फाइनलमा स्थान बनाएको हो ।

पहिलो लेगमा लेस्टर सिटीले १–१ को बराबरी खेलेको थियो । मंगलबार राति भएको खेलमा टार्गेटले १२ औँ मिनेटमा गोल गर्दै एस्टन भिल्लालाई सुरुवाति अग्रता दिलाए । पछि परेको लेस्टर सिटीका लागि ७२ औँ मिनेटमा केलिची इहिनाचोले बराबरी गोल फर्काए।

एस्टन भिल्लाका लागि इन्जुरी समयको तेस्रो मिनेटमा ट्रेजिगेले विजयी गोल गरे। एस्टन भिल्लाले फाइनलमा म्यानचेस्टर सिटी वा म्यानचेस्टर युनाइटेडको सामना गर्ने छ ।