काठमाडौं –  चक्रपथ बिस्तारको कामले आज पनि काठमाडौंका केही स्थानमा विद्युत आपूर्ती कटौती हुने भएको छ ।

नेपाल विद्युत प्राधिकरणका अनुसार चक्रपथ बिस्तारका लागि सडक किनारका रुख काट्ने क्रम जारी रहेकाले आज दिनभरजसो महाराजगञ्ज क्षेत्र आसपासमा बिद्युत कटौती हुनेछ ।

प्राधिकरणका अनुसार महराजगञ्च वितरण केन्द्र अन्तरगतको बूढानिलकण्ठ फिडरबाट बितरित बिद्युत विहान साढे ७ बजेदेखि नै कटौती भएको छ ।

यस फिडरबाट बितरित बिद्युत साँझ ५ बजेमात्र आउनेछ ।

बूढानिलकण्ठ फिडरअन्तर्गत बसुन्धारा, श्रीटोल लगायतका स्थानमा विद्युत सेवा कटौती भएको हो ।

चक्रपथ बिस्तार अन्तरगत कलंकी देखि महाराजगञ्जसम्म सडक बिस्तारका लागि रुख कटानको काम हुँदा प्राधिकरणले बिद्युत कटौती गर्दै आएको छ ।