काठमाडौँ– नेपाली कांग्रेसका प्रवक्ता विश्वप्रकाश शर्माले वर्तमान केपी शर्मा ओली नेतृत्वको सरकारले शासन गर्ने  नैतिक र जानीतिक आधार गुमाइसकेको बताएका छन् ।

संसद विघटनविरुद्ध काठमाडौं क्षेत्र नम्बर २ ले कोटेश्वरमा गरेको सभालाई सम्बोधन गर्दै प्रवक्ता शर्माले यस्तो बताएका हुन् ।

प्रवक्ता शर्माले ओली र प्रचण्डबीचको भागबण्डा नमिल्दा अहिलेको स्थिति आएको बताए । उनले कम्युनिष्ट सरकारले  रेल, पानीजहाज, पानीका धाराबारे जनतालाई बाँडेको सपना कता गयो ? भन्दै प्रश्नसमेत गरेका थिए ।

प्रवक्ता शर्माले नेपाली काँग्रेस कसैको पक्षमा नभई जनताको पक्षमा रहेको बताए ।

उनले राष्ट्रपति विद्यादेवी भण्डारीलाई राष्ट्रपति कस्तो बन्नुपर्छ भन्ने कुरा पूर्व राष्ट्रपति रामवरण यादवसँग सिक्नका लागि आग्रह गरे ।

अहिलेको अवस्था आउनुमा प्रधानमन्त्री केपी ओली, प्रचण्ड, माधव नेपाल सबै दोषी रहेको आरोप लगाए ।