काठमाडौं- स्वास्थ्य तथा जनसंख्या मन्त्रालयले  देशभर हाल ३ सय ७५ जना कोरोना संक्रमितको देशका विभिन्न अस्पतालका आईसीयू र भेन्टिलेटरमा उपचार भइरहेको जानकारी दिएको छ ।

मन्त्रालयका अनुसार ३ सय २५ जना आईसीयूमा र ५० जना भेन्टिलेटरमा उपचाररत छन्।

आईसीयूमा रहेका संक्रमितको संख्या सबैभन्दा धेरै गण्डकी प्रदेशमा छ। गण्डकी प्रदेशमा मात्र १ सय जना आईसीयू र १० जना भेन्टिलेटरमा रहेको मन्त्रालयले जनाएको छ।

मन्त्रालयका अनुसार बागमती प्रदेशमा ८४ जना संक्रमित आईसीयूमा र २४ जना भेन्टिलेटरमा छन्। प्रदेश १ मा ३९ जना आईसीयूमा र १० जना छन् ।

यसैगरी प्रदेश २ मा ५ जना आईसीयूमा र १ जना भेन्टिलेटरमा, लुम्बिनीमा ८० जना आईसीयूमा र ४ जनाको भेन्टिलेटरमा उपचार भइरहेको छ ।

त्यस्तै कर्णालीमा १० जना आईसीयूमा छन् भने सुदूरपश्चिम प्रदेशमा ७ जना आईसीयूमा र १ जनाको भेन्टिलेटरमा उपचार भइरहेको मन्त्रालयले जनाएको छ।