काठमाडौं- स्वास्थ्य तथा जनसंख्या मन्त्रालयले मुलुकभर हालसम्म १२ हजार ५४६ कोरोना संक्रमित होम आइसोलेसनमा रहेको जनाएको छ।
कुल १८ हजार ८३ जना सक्रिय संक्रमितमध्ये सो संख्यामा होमआइसोलेसनमा र बाँकी ५ हजार ५३७ जना संस्थागत आइसोलेसनमा रहेको मन्त्रालयले जानकारी दिएको हो ।
मन्त्रालयका अनुसार सबैभन्दा धेरै संक्रमित बागमती प्रदेशमा ८ हजार ५ ६५ जना संक्रमित होम आइसोलेसनमा छन्।
यस्तै, प्रदेश १ मा १ हजार ६२९, प्रदेश २ मा ३५४, गण्डकीमा १ हजार ३, लुम्बिनीमा ६५३, कर्णालीमा ८३ र सुदुरपश्चिम प्रदेशमा २५९ जना संक्रमित होम आइसोलेसनमा रहेको मन्त्रालयले जनाएको छ।
प्रतिक्रिया