जनकपुर– जनता समाजवादी पार्टी नेपालका नेता शरतसिंह भण्डारीले प्रधानमन्त्री केपी शर्मा ओली नेतृत्वको सरकार इतिहासकै सबैभन्दा बढी ‘अराजक’ रहेको टिप्पणी गरेका छन् ।

शनिबार जनकपुरमा विद्यापति स्मृति दिवसको अवसरमा आयोजित कार्यक्रममा बोल्दै पूर्वरक्षामन्त्री समेत रहेका नेता भण्डारीले वर्तमान सरकार अनुशासनहीन रहेकाले अराजकता बढेको बताए ।

कानूनी व्यवस्थालाई निरन्तरता दिने उद्देश्यका साथ नेपाली जनताले दुई तिहाईको बहुमतीय जनादेश दिए पनि भ्रष्टाचार, अनुशासनहीनता र अराजक गतिविधlले गर्दा मुलुकमा अस्थिरता पैदा भएको उनले आरोप लगाए ।

अर्को प्रसंगमा नेता भण्डारीले प्रदेश नम्बर २ सरकारले अहिलेसम्म नामाकरण गर्न नसक्नु दुःखद विषय रहेको बताए ।

प्रदेश नम्बर २ को नामाकरण भूगोलको आधारमा मात्र नभई पहिचान र संस्कृतिलाई समेटेर नामाकरण गर्नु आवश्यक रहेको उनको भनाइ थियो ।