काठमाडौँ– कञ्चनपुरमा ट्वाइलेटको सेफ्टी ट्याङ्की सफा गर्दा दुई जनाको ज्यान गएको छ ।

भीमदत्त नगरपालिका २ महुलियाकी सरस्वती भट्टको घरमा सेफ्टी ट्याङ्की सफा गर्दा सेफ्टी ट्याङ्कीमा खसेर २ जनाकै मृत्यु भएको जिल्ला प्रहरी कार्यालय कञ्चनपुरले जानकारी दिएको छ ।

मृत्यु हुनेमा भीमदत्त नगरपालिका–१८ बस्ने ४० वर्षीय घुमन डगौरा र भीमदत्त नगरपालिका ४ बस्ने ३५ वर्षीय गणेश राना रहेको जिल्ला प्रहरी कार्यालयका प्रवक्ता एवं प्रहरी नायब उपरीक्षक अमरबहादुर थापाले बताए ।

सेफ्टीट्यान्कीमा खसेको स्थानीयले थाहा पाएपछि स्थानीयले प्रहरीलाई खबर गरेका थिए । प्रहरी टोलीले सेफ्टी ट्याङकीबाट दुवै जनालाई मृत अवस्थामा निकालेको प्रवक्ता थापाले बताए । उनीहरुको शव परीक्षणका लागि महाकाली अस्पतालमा राखिएको छ ।