काठमाडौँ– सत्तारुढ नेपाल कम्युनिस्ट पार्टी (नेकपा)को सचिवालय बैठक आउँदो मंगलबार फेरि बस्ने गरी सकिएको छ ।

मंगलबार दिउँसो १ बजे बैठक बस्ने गरी आजको सचिवालय बैठक सकिएको सचिवालय सदस्य तथा पार्टी प्रवक्ता नारायणकाजी श्रेष्ठले जानकारी दिए ।

बैठकपछि सञ्चारकर्मीसँग कुरा गर्दै सचिवालय सदस्य तथा पार्टी प्रवक्ता नारायणकाजी श्रेष्ठले आजको बैठकमा अध्यक्ष केपी शर्मा ओलीले प्रस्तुत गरेको प्रतिवेदन हस्तानान्तरण गरेको बताए ।

प्रवक्ता श्रेष्ठले भने, ‘आजको बैठकमा पार्टी एकतालाई मजबुद बनाउन र पार्टीलाई गति दिने विषयमा छलफल भयो । बैठकमा अध्यक्ष कमरेड केपी शर्मा ओलीले तयार पार्नुभएको प्रतिवेदन हस्तानान्तरण भएको छ । यसमा के छ हामीले हेरेका छैनौ खामबन्दी छ । यो प्रतिवेदन अध्ययन गरी यसैका विषयमा छलफल गर्न आगामी मंसिर १६ गते मंगलबार दिउँसो १ बजे फेरि बैठक बस्ने छ ।’