काठमाडौँ- साहित्यकार मोदनाथ प्रश्रितले पद्मश्री साधना सम्मान नलिने घोषणा गरेका छन्।
प्रश्रितले विज्ञप्ति जारी गर्दै आफूलाई दिइएको सम्मान नलिने घोषण गरेका हुन । उनले संस्थाप्रति आभार प्रकट गर्दै उक्त सम्मान नलिने उल्लेख गरेका छन् ।
‘खेम-हरिकला समाज कल्याण परिषदले मलाई पद्मश्री साधना सम्मान दिने निर्णय गरेकोमा संस्थाप्रति आभार प्रकट गर्दछु’, विज्ञप्तिमा उनले भनेका छन्, ‘पद्मश्री साधना सम्मानको सुचना सार्वजनिक भएपछि अप्रमाणित विषय सुनियोजित रुपमा उठान गरी मेरो चरित्र हत्या गर्न केही व्यक्ति तथा समूह लागेको सन्दर्भमा मैले यो पुरस्कार नलिने निश्चय गरेको व्यहोरा सूचित गर्दछु।’
प्रतिक्रिया