काठमाडौं – राष्ट्रिय प्रजातन्त्र पार्टी परित्याग गरेका पूर्वमन्त्री सुनिल थापा नेपाली कांग्रेसमा प्रवेश गरेका छन् ।

मंगलवार (आज) दिउँसो एक बजे सानेपामा आयोजित कार्यक्रमका बीच पूर्वमन्त्री थापा कांग्रेसमा प्रवेश गरेका हुन् । उनलाई नेपाली कांग्रेसका सभापति शेरबहादुर देउवा लगायत नेताले स्वागत गरेका थिए ।

सभापति देउवाले थापालाई पार्टी सदस्यता प्रदान गरे ।

राप्रपाका संस्थापक अध्यक्ष सूर्यबहादुर थापा छोरा सुनिल थापाले कार्यकर्तासहित राप्रपा छोडेर कांग्रेस प्रवेश गरेका हुन् । उनलाई कांग्रेसमा सहमहामन्त्री बनाउने सहमति भएको छ ।

शनिवार थापासहित ३१ जना नेताले राप्रपाबाट राजीनामा दिएका थिए । कमल थापा, पशुपतिशम्शेर जबरा र प्रकाशचन्द्र लोहनी नेतृत्वका तीन राप्रपाबीच एकता भएकोमा उनको समूह असन्तुष्ट थियो ।