काठमाडौं – अमेरिकामा कोरोना भाइरसको संक्रमण देखिएको १२७औँ दिनमा १ लाख मानिसको मृत्यु भएको छ ।

पहिलो पटक अमेरिकामा गत जनवरी २१ मा कोरोना भाइरसको संक्रमण पुष्टि भएको थियो ।

संक्रमण देखिएको १७ औं दिनमा अर्थात फेब्रअरी ६ मा पहिलो पटक कोरोना भाइरसको संक्रमणले अमेरिकी नागरिकको मृत्यु भएकोमा त्यसको ११३ औँ दिनमा एक लाख मानिसको मृत्यु भएको छ ।

अर्थात अमेरिकामा पहिलो संक्रमण देखिएको १२७औँ दिन तथा त्यहाँ कोरोनाले भएको पहिलो मृत्युपछि ११३औँ दिनमा अमेरिकामा एक लाख मानिसको मृत्यु भएको हो ।

अमेरिकामा मे २६ मा कोरोनाबाट मृत्यु हुनेको संख्या एक लाख नाघेको थियो । विहिबार विहान यो समाचार तयार पार्दासम्म त्यहाँ १ लाख २ हजार १०७ जनाको मृत्यु भएको छ भने १७ लाख ४५ हजारभन्दा बढी संक्रमित भएका छन् ।