गोरखा-कोरोनाको सम्भावित जोखिमबाट बच्न गोरखाको एक गाउँका बासिन्दाले गाउँमा बलिसहित पूजा गरेका छन् ।
गोरखाको धार्चे गाउँपालिका ३ उहियागाउँका बासिन्दाले गाउँ प्रवेश गर्ने चारैदिशामा शनिबार दिनभर लगाएर पूजा गरेका हुन् ।
धार्चे गाउँपालिका ३ का बडा अध्यक्ष इन्द्रप्रसाद गुरुङका अनुसार उहिया गाउँ प्रबेश गर्ने बाटो र नाकामा कुखुरा काटेर पूजा गरिएको हो ।
धामीझाँक्रीले भाले काटेर, धुप बालेर करिब चार घण्टासम्म प्रकृति पूजा गरेको उनले बताए ।
प्राकृतिक देवता खुशी भए गाउँमा अनिष्ट नभित्रिने जनविश्वास छ ।
शनिवारको पूजाका लागि स्थानीयले भेटी, अक्षतासहितका आवश्यक चिज जोहो गरेका थिए ।
प्रतिक्रिया