काठमाडौं- चीन सरकारले दिएको कोरोना परीक्षण किट्स आइतबार नेपाल आइपुग्ने भएको छ ।

शनिबारसम्म ल्याउने योजना भए पनि बेइजिङबाट हिंड्न ढिला भएका कारण कोरोना परीक्षण किट्न आइतबार नेपाल आइपुग्ने भएको हो ।

‘आइतबार बिहान तातोपानी आइपुग्छ। साँझमा काठमाडौं आइपुग्छ,’ भन्सार विभागका महानिर्देशक सुमन दाहालले भने, ‘चिनियाँ नाकाबाट यो सामानभन्दा अघि अरु कुनै सामान आउने सम्भावना छैन’

नाकामा कोरोना परीक्षण तथा त्यससँग अन्तरसम्बन्धित सबै काम स्वास्थ्य मन्त्रालयका अधिकारीहरूले गर्नेछन्।

हालसम्म नेपालमा ८ सय जनामा कोरोना परीक्षण भइसकेको छ।

नेपालमा कोरोना फैलनुपूर्व नै करिब २ हजार जनालाई पुग्ने किट थियो। अब करिब १२ सय जनालाई परीक्षण गर्न पुग्ने किट छ। कोरोना संक्रमण नेपालमा पनि फैलिन थालेपछि चीनबाट थप नयाी किट ल्याउन लागिएको हो।

किट्स उत्पादक कम्पनीका महाप्रबन्धक वाङ गुओपिङले करिब ३६ लाख नेपाली रुपैयाँ बराबरका उक्त सामग्री बुधबार बेइजिङस्थित नेपाली दूतावासलाई हस्तान्तरण गरेका थिए ।