बुटवल– भैरहवा–भूमही सडक खण्डअन्तर्गत रुपन्देहीको रोहिणी गाउँपालिका–४ सुइलिहवामा २ वटा ट्रक एक आपसमा ठोक्किँदा ३ जनाको मृत्यु भएको छ । दुर्घटनामा अन्य ९ जना घाइते भएका जनाइएको छ ।

मंगलबार बिहान करिब साढे ५ बजेतिर भैरहवाबाट नवलपरासीतर्फ जाँदै गरेको ना २ ख ८४८१ नम्बरको ट्रक र भैरहवातर्फ आउँदै गरेको लु १ ख ६७४५ नम्बरको ट्रक एक आपसमा ठोक्किएका थिए ।

दुर्घटना परी मृत्यु हुनेमा नवलपरासीको पाल्ही नन्दन गाउँपालिका–४ का ३४ वर्षीय लालु कुर्मी र भविन कार्की तथा ठेगाना नखुलेका पूर्णबहादुर भुजेल छन् ।

दुर्घटनामा घाइते भएका ९ जनामध्ये ३ जनाको अवस्था चिन्ताजनक रहेको जनाइएको छ ।

घाइतेहरको भैरहवा मेडिकल कलेज र भीम अस्पतालमा उपचार भइरहेको जिल्ला प्रहरी कार्यालय रुपन्देहीले जनाएको छ ।

घाइतेहरुमा तनहुँ घर भएका वीरेन्द्र गुरुङ (ट्रक चालक) , नवलपरासीको पाल्ही नन्दन गाउँपालिका घर भएका अखिलेश यादव, मनिष धवल, शैलेश कुर्मी र त्रिभुवन हरिजनका भीम अस्पतालमा उपचार भइरहेको छ ।

यस्तै, अन्य घाइतेहरु नवलपरासीको पाल्ही नन्दन गाउँपालिका–४ का २७ वर्षी विनोद धवल, ४भ्० वर्षीय दुधही हरिजन, २७ वर्षीय मोहन राय र ३२ वर्षीय सुवास कुर्मीको भैरहवा मेडिकल कलेजमा उपचार भइरहेको छ ।