काठमाडौं – इङ्ग्ल्यान्डको राष्ट्रिय टोलीबाट खेलिसकेका ग्यारी लिन्करले लिभरपुलका सबैभन्दा उत्कृष्ट खेलाडी युवा रक्षक ट्रेन्ट एलेक्सजेन्डर अर्नोल्डो भएको दाबी गरेका छन् ।

मंगलबार ग्यारीले अङ्ग्रेजी पत्रिका दी गार्जियनसँगको अन्तरवार्तामा लिभरपुलका रक्षक अहिलेका खेलाडीमा सबैभन्दा राम्रा खेल्ने खेलाडी भएको बताएका हुन् ।

रेड्सका लागि खेल्ने २१ बर्षे एलेक्सजेन्डर एर्नाल्डो उत्कृष्ट खेलाडी भएको दाबी उनले गरेका छन् । इङ्ग्लीस प्रिमियर लिगको शीर्ष स्थानमा रहेको लिभरपुलका एलेक्सजेन्डर अन्य टोलीका खेलाडी भन्दा पनि उत्कृष्ट मानिन्छन ।

तर, त्यहीँ टोलीभित्र पनि को खेलाडी राम्रो भन्ने चर्चा भने पटक पटक चलिनै रहन्छ । र्योगन क्लोपको संरक्षणमा खेलिरहेका उनी लिभरपुलको एकेडेमिका खेलाडी हुन् ।

उनले अघिल्लो सिजनमा रक्षापङ्तीबाट २६ एसिस्ट गरेका थिए भने सेमिफाइनलमा बार्सिलोनाविरुद्ध चलाखिपूर्ण तवरबाट खेल्दै टोलीलाई जित दिलाएका थिए ।

तर, स्टार खेलाडीले भरिएको लिभरपुलमा बालन डिअरका लागि मनोनयनमा परेका भान डिज्कीको छायाँमा परेको बताइन्छ ।

यद्यपी लिन्कर एलेक्सजेन्डर उत्कृष्ट खेलाडी रहेको बताउँछन् । ‘ट्रेन्ट एकेडेमिबाट आएको खेलाडी हुन् । उनी निकै उत्कृष्ट खेलाडी हुन्,’ लिन्करले भने ,‘उनीहरुसँग धेरै उत्कृष्ट खेलाडी छन् । अग्रपङ्तीका मुख्य तिन खेलाडी जस्तै । अझ टेन्ट्र विषेश छन् ।’

लिन्करले आफुले उनको खेल हेर्दा तीन चार कुरा जहिले पनि ‘ओ माई गर्ड’ भन्न लायक रहने बताएका छन् । अघिल्लो बर्ष लिन्करले एलेक्सलाई उनकै घरम भेटेको र त्यो समयमा उनी लजालु स्वभावका खेलाडी भएको उनले बताएका छन् ।