भनाइ छ, दृढ अठोटका साथ कुनै काम थालियो भने यसलाई उमेर, अवस्था वा कठिनाईले रोक्न सक्दैन । यस्तै एक अचम्मको घटना भएको छ, भारतको जम्मूकश्मीरमा ।
जम्मूकश्मीरको पुछं जिल्ला निवासी एक महिलाले ६५ बर्षको उमेरमा सन्तानलाई जन्म दिएकी छन् । हो पत्याउनै नसकिने यो घटना वास्तविक जीवनमा भएको छ ।
योसंगै ती महिलाले जम्मूकश्मीरमा सबैभन्दा पाको उमेरमा आमा बन्ने रेकर्ड बनाएकी छन् । ती महिलाको १० बर्षका छोरा समेत छन् ।
यसमा अझ रोचक त के छ भने ती महिलाका श्रीमान हाकिम दीन ८० बर्षका भए । हाकिम सोमबार आफ्नो दोस्रो सन्तानको पिता बने । छोरी पाएपछि यी दम्पती निकै खुसी छन् । चिकित्सकका अनुसार अहिले आमा र छोरीको स्वास्थ्य सामान्य छ ।
प्रतिक्रिया