धनकुटा – कोरोना रोकथाम तथा नियन्त्रणका लागि जिल्ला प्रशासन कार्यालय धनकुटाले निषेधाज्ञा पुन: एक साताका लागि थप गरेको छ ।

जिल्ला संकट व्यवस्थापन केन्द्र (डीसीएमसी) को बैठकले जिल्लाभरी एक साता पुन: निषेधाज्ञा थप गर्ने निर्णय गरेको प्रमुख जिल्ला अधिकारी केशवप्रसाद विमलीले जानकारी दिए ।

संक्रमण रोग ऐन २०२० तथा स्थानीय प्रशासन ऐन २०२८ अनुसार आगामी भदौ १७ गते मध्यरातसम्म निषेधाज्ञाको अवधि बढाइएको प्रजिअ विमलीले बताए ।

धनकुटामा यसअघि दुई सातादेखि निरन्तर निषेधाज्ञा जारी छ । बैठकले दैनिक उपभोग्य सामग्री बिक्रीका लागि बिहान ७ बजेदेखि १० र साँझ ५ देखि ७ बजेसम्म पसल खुला गर्न दिने निर्णय गरेको छ ।

बैठक, सभा सम्मेलन, गोष्ठी, अन्तर्क्रियाका नाममा मानिस भेला पूर्ण रुपमा बन्देज गरिएको छ ।