काठमाडौं- नेपाली काँग्रेस केन्द्रीय नीति अनुसन्धान तथा प्रशिक्षण प्रतिष्ठानलेआधारभूत प्रशिक्षण पुस्तिकाप्रकाशनमा ल्याएको छ ।

प्रतिष्ठानका कार्यकारी निर्देशक पुरुषोत्तम दाहालले पुस्तिकामा पार्टीका विभिन्न विषय समावेश गरिएको जानकारी दिए ।

दाहालका अनुसार पुस्तिकाबाट नेपाली काँग्रेसको प्रारम्भ, आदर्श, सिद्धान्त, नीति, कार्यक्रम, पार्टीको इतिहास र योगदान समावेश गरिएको छ ।

यस्तै पार्टी नेतृत्वको सरकारले प्राप्त गरेका उपलव्धी, आर्थिक–सामाजिक नीतिहरु, परराष्ट्र सम्वन्ध, कम्युनिष्ट नेतृत्वको सरकारको मूल्यांकन , साम्यवाद र लोकतन्त्रकाबीचको भिन्नता पनि पुस्तिकमा समेटिएको उनले जानकारी दिए ।

कम्युनिष्ट पार्टीसहितका अन्य पार्टी र नेपाली काँग्रेसकाबीच भिन्नता, आगामी दिनमा काँग्रेसले गर्ने र गर्नसक्ने योजनाहरुलगायका विषय पुस्तिकामा समावेश गरिएको छ ।

यसलाई छापा माध्यम मार्फत पनि चाँडै प्रकाशन गर्ने उनले जानकारी दिए । पुस्तिकामा पार्टीको विधान र प्रशिक्षणकलाबारे समेत अध्ययन सामग्री प्रस्तुत गरिएकाले यसबाट पार्टी पंक्ति र जिज्ञाषुहरुले आवश्यक जानकारी लिन पाउने उनको विश्वास छ ।

पार्टीका सदस्यहरुका लागि प्रशिक्षण यही पुस्तिकाको आधारमा गर्नुहुन सम्पूर्ण प्रशिक्षक र जिल्ला प्रशिक्षण शाखाहरुलाई समेत आग्रह गरिएको छ ।