काठमाडौं – जिल्ला प्रहरी कार्यालय स्याङ्जामा कार्यरत प्रहरी प्रमुखसहित १८ जना प्रहरी कर्मचारीमा कोरोना भाइरसको संक्रमण भएको पुष्टि भएको छ ।
प्रादेशिक स्वास्थ्य निर्देशनालयका प्रवक्ता डा. विनोद विन्दु शर्माले सोमवार उनीहरुमा कोरोना पुष्टि भएको जानकारी दिए ।
गत शुक्रवार दुई हवल्दार र एकजना प्रहरीमा कोरोना भाइरसको संक्रमण भएको पुष्टि भएको थियो । त्यसपछि थप प्रहरीको स्वाब परीक्षणका लागि पठाइएको थियो ।
प्रवक्ता शर्माका अनुसार केहीको पीसीआर नतिजा अझै आएको छैन । जिप्रकामा हालसम्म २१ जना प्रहरी कर्मचारीमा कोरोना पुष्टि भएको छ ।
प्रतिक्रिया