रुपन्देही– बुटवलमा शनिबार दिउँसो फाट्टफुट्ट देखिएको सहल अपराह्न भएपछि हुल देखिन थालेको स्थानीयले बताएका छन् ।
बुटवलको आकाशमा अहिले सलह किराको हुल उडिरहेको देख्न थालिएको स्थानीयले बताएका हुन् ।
प्रदेश ५ को कृषि विकास निर्देशनालय प्रमुख यामनारायण देवकोटाले दिउँसो ३ बजेपछि भारतीय सीमा क्षेत्र हुँदै हुलका हुल सलह किराले आकाश ढाकेको बताए । उनका अनुसार केही सलह दक्षिण हुँदै उत्तर दिशामा गएका छन् भने केही आकाशमै मडारिएका छन् ।
भारतीय सीमा क्षेत्र हुँदै रूपन्देही जिल्लामा पनि सलह पसेका हुन् । शनिबार बिहान भैरहवा, रोहिणी, ओमसतिया र देवदह क्षेत्रमा सलह कीरा देखिएका थिए ।
प्रतिक्रिया