काठमाडौं – साउदीबाट फर्किन चाहने नागरिकले भिसा सकिए पनि जरिवाना नतिर्नुपर्ने भएको छ । साउदीस्थित नेपाली दूतावासले शुक्रवार एक सूचना जारी गर्दै यसबारेमा जानकारी दिएको हो ।

साउदी सरकारको यो निर्णयले नेपाली पनि लाभान्वित हुने भएका छन् । साउदीमा रहेका नेपालीले भिसा सकिए पनि अब जरिवाना या शुल्क बुझाउनुपर्ने छैन ।

कुनै पनि भिसामा साउदी गएका तर कोरोना भाइरस महामारीका कारण फर्किन नपाएका नागरिकले जरिवाना तिनु नपर्ने दूतावासले जनाएको हो ।

साउदी सरकारले कोरोना महामारीको कारण देखाउँदै अर्को निर्णय नभएसम्मका लागि बर्हिगमन भिसा, पुनः प्रवेश भिसा, भिजिट भिसा र पर्यटन भिसा भिसामा साउदी पुगेर म्याद सकिएको भए कुनै शुल्क वा जरिवाना नलिने निर्णय गरेको थियो ।