एजेन्सी-  नेदरल्याण्ड्सका प्रधानमन्त्री मार्क रुटले मृत्युशय्यामा रहेकी आफ्नी आमालाई समेत भेट्न पाएनन् ।

कोरोना संक्रमणको त्रासका कारण जारी लकडाउनको नियम पालना गर्दा उनले मृत्युशय्यामा रहेकी आफ्नी आमालाई समेत भेट्न नपाएको बताइएको छ ।

अधिकारीहरुका अनुसार रुटकी आमा जीवन र मरणको दोसाँधमा थिइन्। जिम्मेवार पदमा भएकाले रुटले पनि लकडाउनको नियम पालना गर्ने निधो गरे, आमाले अन्तिम स्वास फेर्दा समेत उनी अस्पताल जान पाएनन् ।

गत सोमबार ९६ वर्षकी आमाको मृत्यु भएको थियो । आफूले अस्पतालमा आमालाई भेट्न नपाएकोमा दुख व्यक्त गरेका छन्।

रुटकी आमाको मृत्यु कोरोना भाइरसको संक्रमणका कारण भने नभएको जनाइएको छ ।

नेदरल्याण्ड्समा गत मार्च २० देखि लकडाउन जारी छ। त्यसबीचमा रुटकी आमा गम्भीर बिरामी भएका कारण अस्पताल भर्ना गरिएको थियो ।