काठमाडौं – रमजान सुरु भएपछि साउदी सरकारले कर्फ्यू खुकुलो पारेको छ ।

अप्रिल २६ देखि मे १३ सम्म बिहान ९ बजेदेखि साँझ ५ बजेसम्म कर्फ्यू हटाइएको छ ।

साउदी सरकारले मक्का क्षेत्र बाहेकका सम्पूर्ण क्षेत्रमा लागू हुने गरी कर्फ्यूको समयमा हेरफेर गरेको हो ।

यसअघि रियाद, दमाम, ताबुक, दहरान, हफुफ, ताइफ, कतिफ, अलखोबर र जेद्दाका सम्पूर्ण क्षेत्रहरुमा २४ घण्टे कर्फ्यू लागू भएको थियो ।

कर्फ्यूको समय फेरबदल भए पनि सामाजिक दूरी कायम राख्न र कर्फ्यूको समयलाई पूर्ण पालना गर्न अनुरोध गरिएको छ ।

साउदी अरबस्थित नेपाली नेपाली दूतावासले समस्या परे तत्काल सम्पर्क गर्न नेपालीहरुलाई आह्वान गरेको छ ।

दूतावासले नेपालीका गुनासा सुन्न छुट्टै टेलिफोन सेवा समेत सञ्चालनमा ल्याएको छ । दूतावासका अनुसार ०५०००३१७०५ र ०५०००३४७८६ मा फोन गरेर आफ्ना समस्याहरु टिपाउन सकिनेछ ।

फेसबुक, इमेल, ह्वाट्सएपबाट गुनासाहरु पठाउन कठिन भएको गुनासो बढेपछि दुईवटा टेलिफोन नम्बरमा आउने  श्रमिकको गुनासो सुनेर व्यवस्थापन प्रकिया अघि बढाइने जनाइएको छ ।