काठमाडौं – नेपाली कांग्रेसका नेता डाक्टर शेखर कोइरालाले पूर्वराज्यमन्त्री समेत रहेका सांसद डा.सुरेन्द्र यादव अपहरण प्रकरणमा प्रहरीले जाहेरी नलिएकोमा आपत्ती जनाएका छन् ।

सामाजिक सञ्जाल फेसबुकमा कोइरालाले सरकारको विरोध गरेकोमा पूर्वसचिवलाई थुनामा राख्ने तर सांसदले अपहरित भए भन्दै जाहेरी दिन खोज्दा नलिएकोप्रति टिप्पणी गर्दै भनेका छन्, ‘अजबको सरकार गजबको कानुन’ जनताले कसलाई विश्वास गर्ने ?

सरकारले नै आफूलाई अपहरण गरेको भन्दै पूर्वस्वास्थ्यमन्त्री यादव  जनता समाजवादी पार्टीका नेतासहित आइतबार काठमाडौं प्रहरी परिसर टेकु पुगेका थिए ।

सो क्रममा प्रहरीले घटनास्थल काठमाडौं नभएको भन्दै जाहेरी लिन नमानेपछि त्यसको चर्को आलोचना भइरहँदा कांग्रेस नेता कोइरालाले पनि फेसबुकमार्फत सरकारलाई कटाक्ष गरेका हुन् ।