काठमाडौं – अस्ट्रेलियन फुटबलको अभिभावक संस्था अस्ट्रेलिया फुटबल संघ (संघ) ले आफ्ना स्टाफको ७० प्रतिशत तलब कटौती गर्ने भएको छ ।

कोरोना भाइरसले देश समस्या शृजना गरेको उल्लेख गर्दै अस्ट्रेलिया फुटबल संघका कार्यकारी निर्देशक जेम्स जोनसनले यो कठिन निर्णय गरेको बताएका छन् ।

देशका अधिकाशं उद्योग कारखान बन्द अवस्थामा रहँदा संघलाई टिकाइराख्न यो निर्णय गरिएको उनले बताएका छन् ।

‘यो निर्णय गर्न निकै कठिन भएको हो । तर, संस्थालाई जिवित राख्न यो निर्णय गरिएको हो,’ जोनसनले भने,‘कोरोना भाइरसले विश्वभरका उद्योग कारखानमा असर गरेको फुटबल अस्ट्रेलिया त्यो भन्दा फरक होइन ।’

अहिले अस्ट्रेलिया फुटबलले सबै गतिविधि बन्द गरिसकेको छ । मंगलबारमात्रै शिर्ष डिभिजनको ए लिगको खेल स्थगित गरेको थियो ।