वीरगन्ज– लकडाउनको समयमा आलु र प्याजको कालोबजारी गरेको अभियोगमा पर्सा प्रहरीले १ जनालाई पक्राउ गरेको छ ।
साविकको भन्दा दोब्बर तथा तेब्बर बढी मूल्यमा आलु र प्याज बिक्री गरेको अभियोगमा प्रहरीले १ जना व्यापारीलाई पक्राउ गरेको हो ।
पक्राउ पर्नेमा पर्साको वीरगन्ज महानगरपालिका–१ छप्कैया घर भएका ५० वर्षीय जगनारायण पटेल छन् ।
उनले आलू प्रतिकिलो १०० रुपैयाँ तथा प्याज प्रतिकिलो १०० देखि १५० रुपैयाँमा बिक्री गरेको पाइएको छ । बजारमा यसअघि आलू २० देखि ४० रुपैयाँ र प्याज प्रतिकिलो ५० रुपैयाँमा बिक्री हुने गरेको थियो ।
प्रहरीले पक्राउ परेका पटेलको साथबाट आलु र प्याज समेत बरामद गरेको छ ।
प्रतिक्रिया