काठमाडौं- कोरोनाभाइरस संक्रमणका कारण विश्वमा देखिएको संकट सामना गर्नेबारे अमेरिकी राष्ट्रपति डोनाल्ड ट्रम्म र चिनियाँ राष्ट्रपति सी चिनफिङबीच टेलिफोन वार्ता भएको छ ।

अमेरिकी राष्ट्रपति ट्रम्पले ट्वीट गर्दै सीसँग कुराकानी भएको बताएका छन् । उनले कोरोना भाइरसको संक्रमणबारे वृहतरुपमा सीसँग छलफल भएको जनाए ।

‘पृथ्वीको ठूलो हिस्सालाई ध्वस्त पारिरहेको कोरोना भाइरसबारे वृहतरुपमा छलफल भयो,’ उनले ट्विटरमा लेखेका छन्, ‘चीनले यो भाइरसबारे निकै बलियो जानकारी विकास गरेको छ। हामी सँगै काम गरिरहेका छौं। धेरै सम्मान छ।’

Just finished a very good conversation with President Xi of China. Discussed in great detail the CoronaVirus that is ravaging large parts of our Planet. China has been through much & has developed a strong understanding of the Virus. We are working closely together. Much respect!

— Donald J. Trump (@realDonaldTrump) March 27, 2020

ट्रम्पसँगको सम्बादमा सीले कोरोना भाइरस सबैको साझा दुष्मन रहेको बताएको र यसको रोकथामका लागी सहकार्य जरुरी भएको बताएको साउथ चाइना मर्निङ पोष्टले उल्लेख गरेको छ ।

‘यो भाइरसको कुनै भौगोलिक सीमाना छैन र यो महामारी हाम्रो साझा दुष्मन हो। यतिबेला यसको रोकथामका लागि सबै देशले सहकार्यका हात फैलाउनुपर्छ,’ सीले भनेका छन् ।