काठमाडौं- नेपालमा रहेका आफ्ना नागरिकलाई फिर्ता लैजनाका लागि जर्मनीले चाटर्ड गरेको कतार एयरवेजको विमान काठमाडौं आइपुगेको छ ।

नेपालमा रहेका जर्मनसहित अन्य युरोपेली मुलुकका नागरिक लैजना उक्त चाटर्ड विमान काठमाडौं आएको हो ।

तीन सय विदेशी नागरिकलाई उक्त विमानले स्वदेश लैजाने छ । जसमा जर्मन र फ्रान्सका नागरिकहरु रहेका छन् ।

लकडाउनका कारण नेपालमा रोकिएका जर्मनसहितका नागरिक लैजान विमान नेपाल आएको प्राधिकरणका प्रवक्ता राजकुमार क्षेत्रीले बताए ।

जर्मन नागरिकलाई लैजानका लागि कतार एयरवेजका दुई विमान चाटर्ड गरिएको छ । शुक्रवार (आज) र भोलि ति विमानहरुले नेपालमा रहेका जर्मन र अन्य युरोपेली मुलुकका नागरिकलाई लैजाने तयारी ति देशले गरेका छन् ।

यस विहीवार(हिजो) पोखराबाट जर्मनी नागरिकलाई काठमाडौं ल्याइएको थियो ।