काठमाडौं – नायिका रेखा थापाले निर्माण गर्न लागेको फिल्मको एक गीतका लागि प्रचण्डकी नातिनी स्मृति दाहालले गीत गाएकी छिन् । उक्त गीतमा स्मृति र अर्का गायक प्रताप दासको पनि स्वर सुन्न सकिन्छ ।
गीतलाई बसन्त सापकोटाले तयार पारेका हुन् । रेखा फिल्मसको ब्यानरको फिल्ममा सापकोटाले यसअघि पनि गीत दिएका थिए ।
रेखाले निर्माण गर्ने फिल्मलाई सविर श्रेष्ठले निर्देशन गर्ने चर्चा छ । केही समयअघि यो फिल्ममा दयाहाङ राई र सौगात मल्लले शीर्ष भूमिकामा अभिनय गर्ने खबर बाहिरिएको थियो ।
वैशाखको पहिलो हप्ताबाट छायांकन शुरु हुने यो फिल्मलाई एक्सन लभस्टोरी भनिएको छ । फिल्मको आगामी वर्षको लक्ष्मी पूजामा रिलिज हुने गरी तयारी भइरहेको छ ।
प्रतिक्रिया