काठमाडौं– सञ्जय स्मृति प्रतिष्ठान तानसेनले राष्ट्रिय महिला भलिबल टिमका पूर्व कप्तान बिनिता बुढाथोकी र चन्द्र बहादुर कुँवरलाई नगदसहित सम्मानित गरेको छ ।
प्रतिष्ठानले बिहिबार एक कार्यक्रमका बीच बिनिता र चन्द्रलाई जनही ३० हजार र सम्मानपत्रसहित सम्मानित गरेको हो ।
नेपाली भलिबलमा योगदान गरेको भन्दै उनीहरुलाई प्रतिष्ठानले सम्मान गरेको हो । बिनिता एपीएफ क्लबकी कप्तान समेत हुन् । नेपाल पुलिस क्लबका चन्द्र अहिले टिमको प्रशिक्षक छन् ।
बिनिता र चन्द्रलाई प्रतिष्ठानका अध्यक्ष तथा नेपाल भलिबल संघका उपाध्यक्ष निरोज मास्के, राखेप सदस्य सचिव रमेश सिलवालले सम्मानित गरे ।
प्रतिक्रिया