झापा – झापा गाँउपालिका ३ कामाटोलिमा स्थानीयबासीले सुरक्षाकर्मीमाथि आक्रमण गरेपछि सशस्त्र प्रहरीले आत्मरक्षाका लागि गोली चलाएको छ ।

गोरु काटेको खबर पाएपछि गएको प्रहरी टोलीले थप मद्दत मागेपछि गएको सशस्त्र प्रहरीमाथि स्थानीयले आक्रमण गरेपछि सशस्त्रले गोली चलाएको बताइएको छ ।

सशस्त्र प्रहरी निरीक्षक सचिन प्रधानको कमाण्डमा गएको सशस्त्रको टोलीले चलाएको गोली लागि दुई जना घाइते भएका छन् । उनीहरूलाई बी एण्ड सी अस्पताल विर्तामोडमा उपचारका लागि पठाइएको छ ।

स्थानीयले काटेको गोरुको टाउको र खुट्टा बरामद गरी फर्कने क्रममा स्थानीय आक्रोशित भई प्रहरीमाथि आक्रमण गरेको प्रहरीले बताएको छ ।

सो क्रममा दर्जनौँको समूहमा रहेका स्थानीयहरु टायर पुल्ठो बाली नेपाल प्रहरी र सशस्त्र प्रहरीमाथि जाइ लागेको बताइएको छ । सो वस्तीमा मुस्लिम समुदायको बाहुल्यता रहेको छ ।