सप्तरी- सप्तरीमा एक जना न्यायाधीशलाई कोरोना भाइरसको संक्रमण भएको छ ।

उच्च अदालत जनकपुरधामको राजविराज इजलासमा कार्यरत ५८ वर्षीय न्यायाधीशमा कोरोना संक्रमण पुष्टि भएको जिल्ला स्वास्थ्य कार्यालयका निमित्त प्रमुख दुनियाँलाल यादवले जानकारी दिए ।

आइतबार न्यायाधीश, एक जना प्रहरीसहित सात जनामा कोरोना संक्रमण पुष्टि भएको हो ।

यसअघि उच्च सरकारी वकिल कार्यालयका प्रमुखमा कोरोना संक्रमणको पुष्टि भएपछि वकिलको कार्यालय, अदालतका न्यायाधीश र कर्मचारीको स्वाब संकलन गरेर परीक्षण गरिएकोमा न्यायाधीशमा संक्रमण देखिएको हो ।

आइतबारसम्म सप्तरीमा कोरोना संक्रमितको संख्या ४ सय ३४ पुगेको छ ।

सप्तरीमा कोरोना संक्रमण फैलिएपछि सदरमुकाम राजविराज नगरपालिकामा लकडाउन गरिएको छ ।