काठमाडौं – के तपाईं साथीभाइसँग बसेर लुडो खेल्दै हुनुहुन्छ ? यति त्यसो हो भने सावधान ! लुडो खेल्दै गरेको भेटेमा तपाईंलाई प्रहरीले पक्राउ गर्न सक्छ । अहिले प्रहरीले लुडो खेल्नेलाई पक्राउ गर्न थालेको छ ।
आइतबार मात्र महानगरीय प्रहरी वृत्त कालीमाटीको टोलीले काठमाडौंको सुनारगाउँबाट बाजीमा लुडो खेलिरहेको अवस्थामा ७ जनालाई पक्राउ गरेको छ ।
वृत्तका प्रमुख डिएसपी रुगम कुँवरका अनुसार, स्थानीय राजकुमार कार्कीको घरमा बसेर ५ हजार रुपैयाँ बाजीमा लुडो खेलिरहेको अवस्थामा ७ जनालाई पक्राउ गरिएको हो । प्रहरीले उनीहरुको साथबाट ८७ हजार ५० रुपैयाँ नगद समेत बरामद गरेको छ ।
उनीहरुलाई जुवा ऐनअन्तर्गत कारबाही प्रक्रिया अघि बढाइने प्रहरीले जनाएको छ ।
प्रतिक्रिया