विराटनगर- विराटनगरस्थित प्रदेश नं. १ प्रहरी कार्यालयमा कार्यरत थप १९ जनामा कोरोनाभाइरसको संक्रमण पुष्टि भएको छ । विराटनगर र धरानमा गरिएको परीक्षणमा १९ जनामा संक्रमण पुष्टि भएको हो ।
पाँच जना प्रहरी अधिकारीमा संक्रमण देखिएपछि सबै प्रहरीलाई क्वारेन्टिनमा राखेर परीक्षण थालिएको थियो । त्यसक्रममा थप १४ जनामा कोरोना पुष्टि भएको हो ।
यसअघि काँकरभिट्टामा कार्यरत १८ जना सशस्त्र प्रहरीमा पनि कोरोना भाइरसको संक्रमण पुष्टि भएको थियो । प्रहरी प्रधान कार्यालय, नक्सालमा कार्यरत चार जना अधिकारीमा पनि आजै संक्रमण पुष्टि भएको छ ।
प्रतिक्रिया