काठमाडौं– सरकारले पछिल्लो २४ घण्टामा ३ हजार ७ सय ८२ जनाको थ्रोट स्वाबको नमूना परीक्षण गरेको छ ।

स्वास्थ्य मन्त्रालयका प्रवक्ता डाक्टर विकास देवकोटाले नियमित लाइभ अपडेटमार्फत पछिल्लो २४ घण्टामा ३ हजार ७ सय ८२ वटा नमूना परीक्षण गरिएको जानकारी दिएका हुन् ।

सरकारले पीसीआर विधिबाट हालसम्म ५४ हजार ४ सय ४२ वटा नमूना परीक्षण गरेको छ ।

प्रवक्ता डा देवकोटाका अनुसार हालसम्म कोरोना संक्रमतिको संख्या ७ सय ७२ जना पुगेको छ । यस्तै हालसम्म एक सय ५५ जना डिस्चार्ज भएका छन् भने ४ जनाको मृत्यु भएको छ ।

यस्तै आरडीटी विधिबाट पछिल्लो २ हजार ७ सय ७५ वटा नमूना परीक्षण गरेको छ भने हालसम्म ९७ हजार ९ सय ६७ वटा नमूना परीक्षण गरेको छ । तर आरडीटी विधिबाट गरिएको परीक्षणको नतिजा भने स्वास्थ्य मन्त्रालयले सार्वजनिक गरेको छैन ।