काठमाडौं- कोरोना भाइरसको महामारीकाबीच अमेरिकाले अन्तरिक्षमा मानव मिशन पठाउने भएको छ ।

२१ जुलाई सन् २०११ पछि पहिलो पटक अमेरिकाले मानव मिशन अन्तरिक्षमा पठाउने तयारी गरेको हो । अमेरिकी अन्तरिक्ष एजेन्सी नासाले मिशनको डेट पनि फाइनल गरेको छ ।

२७ मे सन् २०२० को साँझ ४ बजेर ३३ मिनेट जाँदा नासाले दुई अमेरिकी एस्ट्रोनोट्सलाई अमेरिकी धर्तीबाट रकेटमा राखेर आईएसएसमा पठाउने जनाएको छ ।

यो अमेरिकी एस्ट्रोनोट्स मिशनको लागि रोबर्ट बेनकेन र डगलस हर्लेलाई चुनिएको छ । यी दुबै एस्ट्रोनोट्स स्पेसक्राफ्ट ड्र्यागनबाट इन्टरनेशनल स्पेस स्टेशन जानेछ । स्पेस एक्स अमेरिकी उद्योगपति एलन मस्कको कम्पनी हो ।

नासाको रिपोर्टका अनुसार स्पेस एक्स ड्र्यागन स्पेसक्राफ्टलाई फ्लोरिडाबाट लञ्च गरिनेछ ।

नासाले मिशनलाई डेमो २ (Demo-2 Crew Dragon) को नाम दिएको छ । यो भन्दा पहिला नासाले डेमो १ मिशन ड्र्यागन स्पेसक्राफ्टबाट स्पेस स्टेशन गइसकेको छ ।