काठमाडौं- सरकारले कोरोना भाइरसको जोखिम बढ्दै गएपछि रोजगारीका लागि दक्षिण कोरीया जानबाट रोकिएका नेपाली कामदारलाई अब भने पठाउने भएको छ ।

आइतबार बसेको मन्त्रिपरिषद बैठकले दुई देशको आपसी सहमतिमा कामदार पठाउने निर्णय गरेको हो ।

सरकार प्रवक्ता समेत रहेका अर्थ तथा सञ्चारमन्त्री युवराज खतिवडाले दुई देशको आपसी सहमतिमा नेपाली कामदार दक्षिण कोरिया पठाउने निर्णय भएको जानकारी दिए ।

“अन्तर्राष्ट्रिय सीमा नाकाहरूमा आवागमन स्थगन गर्ने निर्णयलाई वैशाख ३१ गतेसम्मका लागि बढाइएको छ,” उनले भने, “त्यस्तै इपीएसअन्तर्गत दक्षिण कोरियामा श्रमिकका रुपमा काम गर्न जाने श्रमिकहरूलाई दुई देशको सल्लाह र सहमतिमा कोरिया लैजान अनुमति दिने निर्णय पनि मन्त्रिपरिषद्ले गरेको छ।”

सरकारले अन्तराष्ट्रिय सीमा नाकामा वैशाख ३० सम्म अवागमन रोक्ने निर्णय गरेको छ ।