भारत- भारतीय प्रधानमन्त्री नरेन्द्र मोदीले देशवासीलाई सम्बोधन गर्दै लकडाउनको नियममा बस्न आह्वान गरेका छन् ।

आइतवार रेडिओबाट गरिएको सम्बोधनमा मोदीले सम्बोधनमा मोदीले सामाजिक दूरी पालना गर्न र सार्वजनिक स्थलमा थुक्ने बानी रोक्न आह्वान गरे।

“हाम्रो शहरमा, हाम्रो गाउँमा, हाम्रो सडकमा, हाम्रो कार्यालयमा कोरोनाभाइरस आइपुगेको छैन र त्यसैले अब आउँदैन भन्ने विश्वास लिएर अतिआत्मविश्वासी नहुन आह्वान गर्छु,” उनले भने।

शनिवार भारतका साना पसलहरूलाई सामाजिक दूरी कायम राखेर र आधा मात्रै कर्मचारीलाई मास्क लगाएर काममा राखी पसल खोल्न अनुमति दिइएको छ ।

भारतमा २४ घण्टामा २,००० नयाँ कोरोनाभाइरस सङ्क्रमण भएर कुल सङ्क्रमण सङ्ख्या २६,००० पुगेपछि मोदीको सो भनाइ आएको हो।

भारतमा हालसम्म ८०० भन्दा बढीले कोभिड-१९ का कारण जीवन गुमाइसकेका छन्।