काठमाडौं – अमेरिकी राष्ट्रपति डोनाल्ड ट्रम्पले ह्वाइट हाउसमा कोरोना भाइरस (कोभिड–१९) को विषयमा दैनिक गर्दै आएको प्रेस ब्रिफ्रिङ बन्द गरेका छन् ।

ट्रम्पलाई सल्लाहकारले आगामी निर्वाचनमा उक्त प्रेस ब्रिफिङले असर पार्नसक्ने राय दिएपछि उनले आफ्नो नियमित प्रेस ब्रिफिङ रोक्ने निर्णय गरेको बीबीसीले जनाएको छ ।

कोरोना भाइरसको नियमित टास्क फोर्सको प्रेस ब्रिफिङमा उनी पत्रकारहरुसँग विवाद गर्दै रिसाउन थालेपछि अमेरिकामा आलोचना हुँदै आएको थियो ।

प्रेस ब्रिफिङमा ट्रम्पले प्रमाणित नभएको र गलत मेडिकल सुझाव दिएपछि उनको ब्यापक आलोचना भएको थियो । ट्रम्पले सामाजिक सञ्जाल ट्वीटरमा प्रेस ब्रिफिङको कुनै अर्थ नरहेको बताएका छन् ।