एजेन्सी- इङलिस प्रिमियर लिग क्लब एभर्टनका स्टाइकर मोइसा केनले कोरोना भाइरसविरुद्वको अभियानमा सरकारले लगाएको लकडाउन उल्लघन गरेका छन्।

मोइसाले सरकारको निर्देशन बेगर गई लकडाउनका क्रममा घरमा पाहुना बोलाइ पार्टी गरेको भन्दै क्लबले अनुशासन कारबाहीको माग गरेको हो।

कोरोना भाइरसका कारण सरकारले सामाजिक दूरी कायम गर्न भने पनि उनले उक्त निर्देशनको उल्लघन गरेको आरोप एभर्टनले लगाएको छ।

केन अघिल्लो वर्ष इटालियन क्लब युभेन्ट्सबाट २४ मिलियन पाउण्डमा एभर्टन आएका थिए।

कोरोना भाइरसको महाव्याधिको समयमा पहिलो टीमका खेलाडीले सरकारको निर्देशन र क्लबको नीति विपरित काम गरेको हुनाले उनलाई कारबाही गर्न अपिल गर्दछौं,´क्लबले विज्ञप्तिमा लेखेको छ,` क्लबले यसलाई गम्भीर रुपमा लिएको छ र ती सबै काम अस्विकारर्य भएकाले उनी विरुद्ध कदम चाल्न आाग्रह गरिन्छ।´

एभर्टनले आफुले खेलाडी तथा अफिसियल सबैलाई सरकारको निर्देशनको पालना गर्न अाग्रह गरेपनि केही व्यक्तिले त्यसलाई अवेज्ञा गर्ने गरेको स्वीकारेको छ।

केन लकडाउन उल्लघन गर्ने पहिलो खेलाडी होइनन् यसअघि प्रिमियर लिग खेलाडी ज्याक ग्रेलिस र काइले वाल्केरले माफि मागिसकेका छन्।