पछिल्लो समय अभिनेत्री क्याटरीना कैफ र अभिनेता विक्की कौशल प्रेमसम्बन्धमा रहेको खबरले बलिउड गर्माएको छ । यी दुई केही इभेन्टमा एकसाथ पनि देखिएका छन् ।

बलिउडमा चर्चा चले पनि विक्की र क्याटरीना प्रेममा छन् कि छैनन् भन्नेमा दुवैले मुख खोलेका छैनन् ।

यतिबेला खबरमा अर्को खबर थपिएको छ, सलमान खान क्याटरीनाको प्रेमका कारण दिक्क छन् । त्यसो त सलमान खानलाई कोही मन परेन भने उनले फर्केर पनि हेर्दैनन् । जस्तो कि, सलमानको जोन अब्राहम, विवेक ओबराय, शाहिर कपूर, अर्जुन कपुर लगायत कैयन् सेलिब्रेटीसँग राम्रो सम्बन्ध छैन ।

अहिले गसिप बनेको छ, सलमान खान र विक्की कौशलको पनि राम्रो सम्बन्ध छैन ।

सलमान खान रणवीर कपूरसँग पनि क्याटरीनाकै कारण टाढिएका थिए । अब अहिले आएर क्याटरीनाको कारण सलमान र विक्कीको सम्बन्ध बिग्रिएको चर्चा छ ।

बलिउडमा गसिप चले पनि यसको वास्तविकताबारे कुनै सेलिब्रेटीले पनि बोलेका छैनन् ।