बलिउड अभिनेत्री पूनम पाण्डेले केही दिन अघिमात्र गुपचुप तवरले आफ्ना प्रेमी सैम बम्बेसँग विवाह गरेकी थिइन् । तर अहिले दुबैबीच विवाद भएको सार्वजनिक भएको छ ।

पूनमले विवाह घोषणा गरेको लगभग २ सातापछि उनका श्रीमान सैम बम्बेविरुद्ध मुद्धा दर्ता गराएकी छन् । पूनमका अनुसार सैमले उनीमाथि कुटपिट गरेका छन् । विवाहको यति चाडैं दुबैबीच भएको विवादले पूनमका फ्यानहरु आक्रोशित बनेका छन् ।

पूनम पाण्डेको उजुरीपछि सैमलाई गोवाबाट गिरफ्तार गरिएको छ । अहिलेसम्म पूनमले लगाएको आरोप साबित भएको छैन ।

३६ वर्षीय सैम बम्बे एड फिल्म निर्माता हुन् । उनले अक्षय कुमार, रणबीर कपूर, दीपिका पादुकोण, जैकलीन फर्नान्डिज, तमन्नाह भाटिया, अल्लू अर्जुन र अन्य चर्चित फिल्मस्टार्ससँगको प्रोजेक्टमा काम गरीसकेका छन् । सैमले ओप्पो, स्पार्कस्, अमेजन जस्ता प्रसिद्ध ब्राण्डका विज्ञापन निर्देशन गरिसकेका छन् ।